KT landsins søkir lærlingar til nýggja kt-útbúgving

KT landsins søkir eftir tveimum lærlingum, sum vilja útbúgva seg til kt-supportara. Útbúgvingin byrjar á Miðnámi á Kambsdali 2. november í 2026.

Umsóknarfreistin til læruplássini er 25. oktober í 2026.

Bæði læruplássini eru hjá KT landsins. Annar lærlingurin verður alla lærutíðina hjá KT landsins. Hin verður part av tíðini staðfestur serliga í norðurøkinum, harímillum Miðnám á Kambsdali.

Hetta fert tú at arbeiða við
Í lærutíðini fert tú millum annað at:

• arbeiða við kt-forritum, servarum og neti

• hjálpa og vegleiða brúkarum

• veita góða tænastu

• taka lut í dagliga arbeiðinum hjá KT landsins

• ganga í skúla á Miðnámi á Kambsdali.

Nýggj útbúgving í Føroyum
Hetta er fyrstu ferð, at tú kanst útbúgva teg til kt-supportara í Føroyum. Útbúgvingin tekur tvey og eitt hálvt ár og gevur tær eisini møguleika at halda fram á aðrar kt-útbúgvingar.

Til ber at lesa starvslýsingina og meira um KT landsins á fylgjandi leinkju.

Lær til kt-supportara hjá KT landsins

Yrkisdepilin hevur eina nærri lýsing av nýggju útbúgvingini á hesi leinkju:

Kt-supportari