Úrslit:

      Vangin

      Á Vanganum eru talgildar tænastur og upplýsingar frá almennum stovnum og kommunum savnaðar á einum stað. Her kunnu borgarar lætt, skjótt og trygt avgreiða síni viðurskifti.

      Far til Vangan
      DSCF3410

      Vangin er ein felags pallur fyri talgilt samskifti hjá stovnum og kommunum. Í staðin fyri at menna og sniðgeva egna loysn kunnu tit samstarva við Talgildu Føroyar um at menna tænastur eftir einum felags leisti.

      Tænasturnar hava felags snið, sum ger tær lættar at kenna aftur. Vangin lýkur krøv um trygd og talgilda atkomu, so øll skulu kunnu brúka Vangan.

      Tænastur á Vanganum
      Gerist partur av Vanganum

      Stovnar, kommunur og onnur, sum bjóða tænastur á Vanganum, eru tænastuveitarar.

      Tit seta tykkum í samband við okkum, og vit byrja við einum fundi um tørvin hjá tykkum og møguleikarnar á Vanganum. Saman finna vit út av, hvat krevst tøkniliga og fyrisitingarliga. Vit taka eisini kt-veitaran hjá tykkum við í arbeiðið.

      Sum partur av Vanganum fáa tit gagn av felags menningini. Tá nýggjar funkur verða mentar til ein tænastuveitara, kunnu tær eisini ofta brúkast av øðrum. Soleiðis fáa tit fleiri møguleikar og eru samstundis við til at menna Vangan fyri allar føroyingar.

      Umsókn og treytir
      Vangaumsiting

      Í Vangaumsiting umsita tit tykkara tænastur á Vanganum. Her kunnu tit til dømis senda snarboð, leggja eina tíð í kalendaran hjá borgaranum ella gera eina umsókn óvirkna, tá ið freistin er farin. Tit kunnu eisini dagføra tekstir og bíleggja nýggjar tænastur.

      Vangaumsiting fæst eisini sum app. Appin kann takast niður á telefon í App Store og Google Play.

      Starvsfólk við atgongd rita inn við Samleikanum.

      Rita inn í Vangaumsiting