Samleikin er trygg, skynsom og brúkaravinalig loysn, sum stovnar og fyritøkur kunnu brúka sum innritan til egnar talgildar tænastur.
Far til samleikin.fo
Samleikin er títt talgilda samleikaprógv. Tú kanst brúka Samleikan til at vátta, hvør tú ert, og skriva undir talgilt. Samleikin lýkur galdandi trygdarkrøv og ger tað møguligt hjá tænastuveitarum at tryggja, at rætti viðkomandi fær atgongd til almennar og privatar talgildar tænastur.
Fyri tænastuveitarar er tað ein stórur fyrimunur at brúka Samleikan sum innritan. Tað skulu ikki stovnast brúkarar í fleiri ymsum skipanum, har eyðmerking og innritan eru. Talgildu Føroyar skráseta allar brúkararnar, og tryggja at tað verður rætti viðkomandi, ið fær atgongd til tænasturnar.
Ein felagsloysn fyri alt samfelagið viðførur munandi sparingar fyri allar partar, bæði í tíð og umsiting. Brúkaraupplivingin verður eisini betri, tí tú ritar inn á ein og sama hátt.
Ein felagsloysn fyri alt samfelagið viðførir munandi sparingar fyri allar partar, bæði í tíð og umsiting. Samstundis verður brúkaraupplivingin betri, tí tú ritar inn á ein og sama hátt.
Trygdin er í hásæti hjá Talgildu Føroyum, so bæði tænastuveitarar og brúkarar kunnu samskifta og avgreiða talgild viðurskifti trygt.
Niðanfyri eru umsóknin og rakstrartreytir millum tænastuveitarar og Talgildu Føroyar. Hesi skjøl eru týðandi fyri at tryggja rættindi og skyldur millum partarnar.
Áðrenn tú gerst tænastuveitari, skalt tú senda Talgildu Føroyum umsókn um at knýta í Samleikan.
Umsókn um at knýta í Samleikan
Umsóknin skal sendast undirskrivað til talgildu@talgildu.fo
Við at knýta tænastur í og brúka Samleikan, verða hesar treytir og tænastustig góðtikin.
Treytirnar eru galdandi frá 1. apríl 2025.
Tænastuveitarar rinda tvey gjøld fyri at brúka Samleikan sum innritan til egnar talgildar tænastur.
Íbindingargjald
Íbindingargjaldið er eingangsupphædd á 15.000 kr.
Rakstrargjald
Rakstrarkostnaðurin fyri Samleikan er býttur í tríggjar bólkar eftir árligum umsetningi ella starvsfólkatali.
Árligur umsetningur | Starvsfólkatal | Árligt rakstrargjald | |
Bólkur 1 | undir 10 mió. kr. | undir 10 | 5.000 |
Bólkur 2 | 10 til 50 mió. kr. | 10 til 50 | 25.000 |
Bólkur 3 | yvir 50 mió. kr. | yvir 50 | 70.000 |
Rakstrargjaldið verður rindað árliga. Almennir stovnar rinda ikki rakstrargjald fyri Samleikan.
Gjaldstovan hevur fingið altjóða góðkenning sum ein álítandi veitari av talgildum tænastum, vanliga nevnt Trust Service Provider. Hetta merkir, at Samleikin lýkur altjóða krøv á bæði tekniska og fyriskipanarliga økinum.
Góðkenningin og váttanin koma frá grannskoðaravirkinum Attestic, sum hevur vitjað í Føroyum og tryggjað, at allir partar av Samleikanum lúka høgu krøvini í standardinum ETSI 319 411-1.
Far til góðkenningina í leinkinum niðanfyri:
Ein Trust Service Provider er ein álítandi veitari av talgildum tænastum, har serlig krøv verða sett til trygd, mannagongdir og álit. Endamálið er at tryggja, at brúkarar og tænastuveitarar kunnu líta á tænasturnar og á, at tær verða riknar á ein tryggan og álítandi hátt.
Trust Service Provider nevndin hevur yvirskipaðu ábyrgdina av hesum arbeiðinum. Nevndin fylgir við, at tænasturnar lúka galdandi krøv, og at trygd, ábyrgd og mannagongdir eru greitt skipaðar.