Mínboks er almenna talgilda postskipanin í Føroyum og er síðustillað við vanligan pappírspost.
Mínboks er partur av Vanganum, og tí kunnu fólk lesa post sín bæði á teldu og í Vanga appini.
Mínboks lýkur krøv um trygt talgilt samskifti. Allur postur er bronglaður og knýttur beinleiðis til P-talið hjá móttakaranum, so vissa er fyri, at tað er rættur móttakari á samskiftinum.
Áðrenn tú gerst tænastuveitari á Mínboks, skalt tú senda Talgildu Føroyum umsókn at knýta í.
Umsóknin skal sendast undirskrivað til talgildu@talgildu.fo
Rakstrartreytirnar fyri Mínboks kunnu lesast í leinkinum niðanfyri.
Við at knýta tænastur í og brúka Mínboks, verða hesar treytir og tænastustig góðtikin
Rakstraravtalurnar eru galdandi frá 1.apríl 2025.
Við heimild í § 8, stk. 1, í løgtingslóg um almennu talgildu postskipanina Mínboks er í kunngerð um ábyrgd, uppgávur og eftirlit ásett, at almennir stovnar og løgfrøðiligir persónar eru dátuábyrgdarar fyri viðgerð av teimum persónupplýsingum, ið teir senda og goyma í Mínboks. Gjaldstovan er dátuviðgeri vegna dátuábyrgdararnar og viðger tí tær persónupplýsingar, sum hesir senda og goyma í Mínboks.
Far til kunngerð í leinkinum niðanfyri:
Elektron P/F
Staravegur 9
P.O. Box 3219
110 Tórshavn
V-tal: 313319
Gjaldstovan hevur sambært kunngerðini í § 8, stk. 3 í løgtingslóg um almennu talgildu postskipanina Mínboks loyvi at nýta undirdátuviðgerar. Í tí sambandi skal eitt dagført yvirlit yvir undirdátuviðgerar vera tøkt á heimasíðu hjá Gjaldstovuni, í hesum føri talgildu.fo og vangin.fo/minboks
Far til kunngerð í leinkinum niðanfyri:
