Landsnet

At hava røttu telduna er avgerandi fyri at avrika væl og røkka góðum úrslitum. Teldan skal vera trygg og hava neyðugan kapasitet. Kundin keypir telduna sambært rammusáttmála, sum Keyp landsins hevur gjørt við veitara. Vit fyrireika sjálvvirkandi uppseting av telduni, og tú fært lættliga atgongd til eina trygga, góða og standardiseraða arbeiðsteldu.

Veitingin fevnir í høvuðsheitum um:

• Trygga, bronglaða teldu

• Antivirus forrit

• Uppseting av telduútbúnaði, sum hóskar til tína kt-arbeiðsstøð

• Kt-hjálp til ritbúnað og felags skipanir

• Dagføringar av ritbúnaði á telduni

Vit reka og umsita Microsoft 365, sum fevnir um Word, Excel, Outlook, Teams, SharePoint, OneDrive og aðrar skýtænastur. Vit seta pallin upp, umsita brúkaraatgongdir og tryggja dagligan rakstur og trygd, so tú fært eitt støðugt og trygt arbeiðsumhvørvi.

Við Landsneti fært tú net, sum er skjótt, trygt og støðugt. Loysnin verður lagað eftir tørvinum hjá kundanum. Vit seta útgerðina upp, reka hana og skifta hana eftir tørvi. Sostatt hevur kundin altíð eina nútímans netloysn uttan at gera størri íløgur sjálvur.

Vit hýsa dátur og skipanir hjá kundunum hjá góðkendum veitarum. Hýsingin lýkur nútímans krøv til atgongd, avritan og trygd.

Allir kundar í Landsneti hava atgongd til landsnet.fo. Her fært tú skjóta og lætta atgongd til kunning, vegleiðingar, skjøl og hentar snarslóðir. Á landsnet.fo hevur tú altíð neyðugar upplýsingar og amboð beint við hondina.

Kundin rindar eitt mánaðarligt gjald fyri tær tænastur, sum vit veita.

Sum kundi í Landsneti, ber til hjá tær, sum hevur atgongd til billing skipanina at síggja kostnaðin hvønn mánaða. Her er eitt greitt yvirlit yvir øll mánaðargjøld fyri millum annað brúkarar, teldur, net, servarar, Skjalhald og aðrar tænastur. Hetta gevur eitt greitt yvirlit yvir, hvat tit rinda.