Úrslit:

      Um Keyp landsins

      Vit hjálpa tær við almennum keypi
      Vit ráðgeva almennum stovnum um keyp og útboð. Tú kanst venda tær til okkara, um tú hevur brúk fyri hjálp til at:

      • bjóða vørur og tænastur út

      • gera ein tilboðsfyrispurning

      • fyrireika útboðstilfar

      • brúka rammusáttmálar

      • fáa svar upp á spurningar um alment keyp

      Vit vegleiða eisini veitarar, sum hava spurningar um útboð og almenn keyp.
      Gjøgnumskygni og javnbjóðis viðgerð

      Vit arbeiða fyri gjøgnumskygni í almennum keypi. Greiðar mannagongdir, greitt útboðstilfar og greiðar freistir skulu tryggja, at allir veitarar fáa somu møguleikar.

      Undantøk frá keypsrundskrivinum verða løgd á heimasíðuna, so tað er lætt at kunna seg um tey.

      Mest møguligt fyri pengarnar

      Vit hjálpa almennum stovnum at fáa sum mest burtur úr pengunum hjá skattgjaldaranum. Tað gera vit við at:

      • skipa útboð av vørum og tænastum

      • ráðgeva stovnum um keyp og útboð

      • gera rammusáttmálar, sum stovnar kunnu keypa eftir

      Virkin kapping gevur fleiri møguleikar

      Vit virka fyri at stimbra kappingina á føroyska marknaðinum. Vit eggja almennum stovnum til at bjóða keyp út ella biðja fleiri veitarar um tilboð.

      Tað skapar betri fyritreytir fyri virknari kapping og gevur bæði verandi og nýggjum veitarum møguleika at bjóða seg fram.

      Okkara fremstu uppgávur

      Vit:

      • eru sparringspartnari hjá stovnum, sum vilja bjóða vørur og tænastur út

      • vegleiða stovnar og veitarar

      • arbeiða fyri, at skattgjaldarin fær sum mest fyri sínar skattakrónur

      • virka fyri gjøgnumskygni í almennum keypi

      • skapa fyritreytir fyri, at nýggir veitarar sleppa framat

      • skapa rammur fyri virknari kapping á marknaðinum

      • veita tøkniliga pallin til útboð